بەهۆی شەپۆلی توندی سەرما کە بەشێکی ویلایەتە یەکگرتووەکانی ئەمریکای گرتووەتەوە، لانیکەم 23 کەس گیانیان لەدەستدا.
لە ناوچەکانی دەریاچە مەزنەکان (Great Lakes) لە باکووری وڵاتەکە، پلەی گەرمی بەشێوەیەکی بەرچاو دابەزیووە و بەگوێرەی دەستەی کەشناسیی نیشتیمانیی ئەمریکا، لە هەندێک ناوچەی ویلایەتەکانی مینیسۆتا و ویسکنسن گەیشتووەتە 20 بۆ 30 پلەی ژێر سفر.
هاوکات پێشبینی دەکرێت بەهۆی کاریگەریی بارستەهەوای ساردی جەمسەری لە رۆژانی داهاتوودا پلەی گەرمی بەتایبەتی لە ویلایەتەکانی ناوەڕاستی ئەمریکا زیاتر داببەزێت و بگاتە 45 پلەی ژێر سفری سیلیزی.