وەزیری دارایی عێراق لێدوانی نوێی دا لەبارەی مووچەی مانگی شوباتی مووچەخۆرانی هەرێمی کوردستان.
تەیف سامی، وەزیری دارایی عێراق رایگەیاند، مووچەی مانگی شوباتی مووچەخۆرانی هەرێمی کوردستان کێشەی نییە و چاوەڕێین حکومەتی هەرێمی کوردستان، داواکارییەکانی تایبەت بە مووچە بنێرێت کە گرنگترینیان لیستی مووچە و 120 ملیار دیناری داهاتی نانەوتییە.
هاوکات سەرچاوەیەک لە وەزارەتی دارایی عێراق ئاشکرایکرد، ئەگەر سەرەتای هەفتەی داهاتوو هەولێر 120 ملیار دیناری داهاتی نانەوتی بنێرێت، ئەوا لە کۆتایی هەفتەدا مووچە خەرجدەکرێت و پێش کۆتاییهاتنی رەمەزان، دابەشدەکرێت.